Livet, havet og kjærleiken

The end of an era

2007-06-23T23:19:15+02:00

Jaja, då var eg ferdig på sjukepleien gitt. Sånn kan det brått gå. Eg finn meg sjølv jobbe som assistent søndag og som sjukepleiar måndag, litt overgang for å seie det sånn. I tilegg til dette har eg jo flytta i ny leilighet. Eg som har levd fleire år utan TV har plutseleg kabel- TV. Godt eg skal jobbe dagen long, så vert det ingen fare for tv- slaveri. Satser på at eg når sommeren er slutt vil ha god peiling på infeksjonsjukdommer, men brun er eg kanskje ikkje...

Ekstrem forvandling

2007-05-21T15:20:45+02:00

Ei ny oppleving

2007-04-26T23:57:27+02:00

- av å vere våt

Eg har nyleg assistert ved fleire fødslar, noko som er ganske ulikt andre ting eg har gjort i studietida. Ikkje berre fekk eg sjå ein fødsel for første gong, eg fekk og oppleve å identifisere meg med barnet på ein ganske fuktig måte. Som ny i fødefaget var eg ikkje heilt obs på at fostervatnet nokon gongar faktisk kjem etter fødselen. Då me skulle ordne litt med barnet, kjente eg brått at eg fekk ein kraftig dusj vaten over meg, liknande slike me får ved bruk av hageslange. Eg kjente eg var våt på både truse og tær. Verken lukta eller fargen av griset eg hadde utover meg, vil eg gløyma på ei stund. Eg skjønar godt kvifor barnet vil ut fra det gusjet der.

Det kan trygt seiast at det har vore ei lærerik oppleving. Det er nok godt prenta i min hukommelse at fostervatnet kan komme etter fødselen. Eg har og skjøna at eg ikkje lenger kan klaga dersom eg er våt av regn.

Bloggtikken

2007-03-31T16:46:19+02:00

Sidan mi kjære niese Ida Elisabeth (http://goagreie.blogspirit.com) har tikka meg i bloggtikken, får eg vel sjå mitt ansvar. Her gjeld det å seie 6 rare ting om seg sjølv. For meg er dette i seg sjølv ei enkel oppgåve, då eg har lang flauseerfaring. Eg skal likevel prøva å skrive ting gjerne ikkje alle veit.

1. Eg vart blinka i fotoboks i Fløyfjellstunnelen på fredag.

2. Det første ordet eg sa var "traktor" (Eller "gakkor," som eg uttalte det då eg peika på den forbikøyrande traktoren).

3. Det minste eg har vege i født tilstand er 890 gram.

4. Eg er veldig dårlig til å mate små barn. I mitt forsøk på å få i mi 9 mnd gamle niese ei skive, var resultatet følgande: Ingen skivebiter i munnen, halvparten av skivebitane på gulvet og eit einaste påleggsgris utover både jenta, meg og kjøkkenet generelt.

5. Eg er på nippet til å vere for legalsiering av cannabis.

6. Eg toler ikkje lyden av to hender som gnissar mot kvarandre.

Forfattarspirar

2007-03-26T21:32:03+02:00

To klassevenninner og eg hadde oss ein produktiv kafétur for ei lita tid attende, Me er jo no i gang med bacheloroppgåveskriving, og fann då ut at me kanskje kunne slå til med å forfatta fleire verk. Sidan me er jenter var då skjønnhetslitteratur (ikkje skjønnlitteratur) svært aktuelt. Som sjukepleiarar er det jo viktig å ta seg godt ut for legane, så ei av oss skal skrive boka:"Korleis best mogeleg utnytta potensialet i sjukepleiaruniformane?" Me tre har og gjennom vårt vennskap gått nokon fjellturar saman, så temaet: "Korleis ta seg godt ut på fjelltur- tips til å sminke bort svetten," var ein naturleg tittel på den andre boka. I diskusjonen om kva bok eg skulle skrive kom det fleire interessante forslag. Eg vender meg difor til eventuelle blogglesarar for hjelp til å velje ut min boktittel. Alternativene er:
- "Korleis oppleve mestring i flausesituasjoner?"- ei lærebok i sjølvironi.
- "Korleis få vising av kløft til å verke som ein tabbe?" - utnytting av leikesituasjoner til blotting.
- Bruk av alternative metodar til få å oppmerksomhet. - Blotting er ikkje alltid flaut.

Bacheloroppgåve

2007-03-09T13:48:12+01:00

Livet mitt for tida består i bøker og artikklar i kvar ein krok, joggebukse og storstilt tedrikking. Dette skuldast at eg no heldt på med bacheloroppgåva mi. Temaet mitt er ikkje av dei mest tradisjonelle akkurat. Eg skal nemleg skrive om MS- pasientar som bruker cannabis som smertelidring. Sidan bøker om dette emnet ikkje veks på trær, har eg måtta bruke ein del tid på å finne stoff. Det er gjort ein del forsking på området, så har no litt å ta tak i. Så hvis nokon skulle lure på noko angåande marihuana, så veit de kven de kan koma til for å seie det sånn.

Latino- party

2007-03-04T01:12:03+01:00

I høvet Vilja sin fødselsdag vart det arrangert latino- party hjå oss i kveld. Som alle veit er det intet slikt party utan salsa. Her var haldninga;"dans med den kroppen du har." Då få utanom bursdagsbarnet kunne salsa, var det stor kreativitet i impresasjonen av liknande danserøyrsler. Eller det vil sei ganske stivbeinte hoftevrikk og andre salsa- stunt. På mirakuløst vis klarte me alle likevel å kome i frå kvelden med liv og helse i behold. Til trass for nok ein gong å verte påminna at eg ikkje er nokon danseløve var kvelden riktig så morro!